WENDE NYASAYE 232 - 208

1. Ywaya machiegni buti, Ruodha; Agombo bet kodi Ywaya, Ruaka gi hera mari, Adwaro kar yueyo.           Ywaya (ywaya) iri gi herani; Ywaya (ywaya) iri e polo;           Ywaya, ywaya; (Ywaya iri gi hera, ywaya iri malo ku;)           Iri malo ku. (Ywaya iri malo ku.) 2. Ywaya machiegni, Jawar, ywaya, Kik iweya kenda; Nabed mamor kabedo buti, kachandruok orumo. 3. Ywaya gi roho mari, ywaya, Nyaka achal kodi; Luoka, pwodha, kimiya bedo Maler kak` idwaro. (Amina)

1. Diyie dak kod Yesu, mond` ibed maler pile? Diyie wuoth kode e yo madiny koso? Diyie mond` okaw ting`ni duto koting`oni? Yiene ni mond` otelni.           Tekone nyalo losi makare, Rembe nyalo luoko chunyi maler;           Hera mare nyalo mi chunyi mor; Diber kiyie mondo Ruoth otelni. 2. Diyie mond` ogonyi kendo iwinj wach mare? Donge ing`eyo kuwe ma chiwruok kelo? Ok diher mond` owari, kik ipodhi e keth? Yiene ni mond` otelni. 3. Diher yud kar bet e pinyruodhe malo koso? Diher ng`eyo tekone mar loyo tem? Idwaro tiyo ni Ruoth gi tekoni duto? Yiene ni mond` otelni. (Amina)

1. Aseweyo tich maricho, Ni mondo alu Yesu; En ma yandi ji nochaye, Osedoko ngimana. Ok ageno teko moro, Ok ageno pith mar piny; Pith adieri ni e chunya; Ruoth mar polo ni Ruodha. 2. Kata ji duto oriemba, Ji duto noweyo En; Chuny marach owuondo pile, En kende e mageno. Ka da herane bet koda, Kuyo ok donyal maka. Ok danwang` mor e piny kae, Ka da onge herano. 3. Yesu kende e moroma, Muche mond` orit chunya; Eka tichne anamaki, Enopuonja kindane. Pinywani otimo mudho; Chieng` mudho nolal chutho, Konya! mond` achungi chieng`no E pinyruodhi mosiko. (Amina)

1. Adwaro bedo nyathi Yesu; Nyisa yo, nyisa yo; Datim chikni duto, Jawarna, Konya tinende.           Mari chuth (Ruodhwa), Mari chuth (Ruodhwa),           Mari chutho asingo; Mari chuth (Ruodhwa),           Mari chuth (Ruodhwa), Mari chutho koroni. 2. Pith gi duong` mar piny odok nono, Mak Intie, mak Intie; Anawe giduto ni Nyingi, Mwanduna ni ma. 3. Kawito gik mantie e piny ka, Sud buta, sud buta; Gik masiko duto ni kodi, Ma okonya ka. (Amina)

1. Teko Nyasaye orita, Abed ng`at Yesu chuth; Abed maler e pinyni kaluwo ndach Yesu.           Teko Nyasaye orita; Ruoth, apodho nyimi;           Ok an gimoro chutho, chutho, In ngimana duto. 2. Teko Nyasaye orita, Atim gi modwaro; Abed ng`ate malong`o, Moikre ni tich Ruoth. 3. Teko Nyasaye orita, Apogra chuth kod piny; Abed gi chuny mar Yesu-mamuol, mang`won, maler. 4. Teko Nyasaye orita, Abed ng`ate kende; Abed ng`at Yesu koro, Kendo ma nyaka chieng`. (Amina)

1. Asebayo mabor kodi Ruodha, koro abironi, Adwaro mondo abed e ritni, koro abironi.           Koro adwogo Ruoth ee adwogo, Ruoth adwogo dala;           Koro adwogo, Ruoth ee adwogo, Ruoth adwogo dala. 2. Aol gi piny kod richo mogundho kor` adwogo dala; Ayie Jawar norwaka e kunde kor` aduogo dala. 3. Ang`eyo Jawar nomiya yweyo kor` adwogo dala; Adwaro keto chunya e lwete kor` aduogo dala. 4. Ayie tiyoni ka ng`ama jachan kor` adwogo dala; Adwaro nwang`o ng`wono mar Jawar kor` adwogo dala. 5. Pakuru Ruoth, aneno Jawarna kor` adwogo dala; Orito rwako jomolal ka an kor` adwogo dala. (Amina)

1. Isedwaro yuweyo kod yie momedore, Isesayo gi chuny motur ngang`; Yuweyo ok niyud ngang` kata gweth malong`o, Nyak isechiwori misango.           Iseketo gigi te e kar Misango?           Bende Roho maler teloni?           Inyalo yudo gweth mibedi gi kuwe chuth;           Ka ichiwone chunyi duto. 2. Ber iwuoth gi Ruodhi e ler manie wachne, To niyuwe e yo maber mar Ruoth, Nyak itim chik Ruodhi mond` ibed maler chuth, Gigi te nyak` ichiw misango. 3. Ok wanyal ng`eyo ngang` Gik ma Ruoth chiwonwa, Kuom gwethgo ma wasekwayogo, Ringrewa kod chunywa, Oneg ochik chutho, Kendo wachiw duto misango. 4. Ng`a ma diwach hera mobiro oronwa, Kendo chunywa nobed mamor ngang`; Mit mar wuoyo kode noromwa waduto, Kwasechiwo duto misango. (Amina)

1. Mana kak` abet abiro, ok anyal bet maber kenda, Adwaro rembi moroma yie iwara kuom ng`wononi.           Kaka abet, kaka abet abironi,           O Ruoth winja, gwedha, wara ,           kaka abet abironi. 2. Mana kak` abet ang`eyo, Rembi kende emoroma, Noluoka matar moloyo komiya genoi chutho. 3. Mana kak` abet abiro,chunya mool ogomboi, Ok anyal bet mabor kodi, Adwaro bet mari chutho. 4. Chunya gi ngimana duto, Mondo oyud yuweyo kuomi, K`ase bayo ma ase ol, Ayuweyo kuom hera mari. (Amina)

1. Wuora, atang`oni lueta, In kendi kar konyruok; Ka da iweya kenda ngang`, An to dachik kanye?           Ayie koro, Ayie chutho, Ni Yesu nothona;           Rembe nochwer ni mond` ayud Gonyruok e richona. 2. An koro ayie kuom Wuodi; Mond` ang`e tekoni; Imiya gik marem koro, Mondo ipong` chunya. 3. In Wuon genruok; ang`iyoi Kageno konyruokni; Kik idaga, asayoi, Ayud ngima kuomi. (Amina)

1. O Yesu, an adwaro Atini nyaka chieng` Asayi bedi buta, Ruodha ma jakonya. Ok analuor lwenj Satan ka In ibet buta; Yo maber ok aweyo ka In itelona. 2. Mondo ang`e in koda, Pinyni oywayoa; Aneno gik magombo, Dwonde matemoa; Wasika gi gilwora, Kendo gin e chunya; O Yesu, bi, ikonya, Mondo alo Satan. 3. O Yesu, isewacho duto molu bang`i, Ka ma intie e duong`ni Ginibedi bende. To Yesu, an adwaro Atini nyaka chieng`; Asayi konya pile, Ruodha ma Jawarna. (Amina)

1. Weche mag mirima mondo Kik pusre a e dhowa; Paro maber mond` ogeng`gi Ka pok giwuok e dhowa.           "Heroreuru," Ruodhwa owacho;           Nyithindo winjuru chik mar Wuoro;           (Herreuru, herreuru, Winjuru chik mar Wuoro;),           "Heroreuru," Ruodhwa owacho;  Nyithindo, winjuru chikne,           (Herreuru, herreuru, Winjuru chikne.) 2. Wach marach jawuok mapiyo, To gin gik maduwo chuny; Gi maketho osiep kindwa, To weche mag mirima. 3. Hera ler kendo olong`o, Kik wayie ketho osiep; Nikech wach marach mwapuso; Ber mondo warit dhowa. (Amina)

1. Otelona! Amor chutho, To Yesu e motelona; Gima datim kama antie, To En Owuon otelona.           Otelona! Otelona! Ee, En Owuon otelona,           Adwaro luwe nyaka chieng`, Adier to En motelona. 2. Ka chunya lit, ka chunya yom, Ka yamo nego ji e piny; Masira dak oketha ngang`! Yesu Owuon otelona. 3. Hapi oroma nyaka chieng`, Itieko nyisa yo maber; To kata yo obet mabor, Yesu Iwuon itelona. 4. Jachien odwaro wuondowa, Jopiny giweya kenda ka; To ng`at maber moloyogi, Yesu owuon otelona. 5. Ka tichna gik e pinywa ka, Abiro chopo e polo; Ka tho obiro ok aluor, Yesu Owuon otelona. (Amin)

1. Adwaro bet buti, Nyasaye Wuora; Abed buti chutho, Yesu Ruodha Ndalo duto abed buti Nyasaye Wuora; Asik buti pile Nyasaye Wuora. 2. Achalo gi jawuoth e pinyni ka; Kar yueyo ongena, ler onge be; To adwaro siko buti Nyasaye Wuora, Asik buti pile Nyasaye Wuora. 3. Duto mimiyoa kuom ng`wononi, Giywayo chunya chuth, abed buti; Nyisa wang`yo mari, en e ma mond` alu; Asik buti pile, Nyasaye Wuora. 4. Kendo gi tekona nadend nyingi; In Lwandana, Ruodha, In warruokna; Kata e masira, apadora kuomi, Asik buti pile, Nyasaye Wuora. 5. Kochier a e liel ching` bironi, Adonj ka ma Intie, Nyasaye Wuora; Nayud mor mochwere e dalani maber, Nabed buti pile, ma nyaka chieng`. (Amin)

1. Paro achiel mamit, Osiko e chunya; Ndalo sudo machiegini, Ma nadonj e polo.           Achiegini donjo thurwa; Koro achiegni donjo, Ndalo odong` matin. 2. E dala mar Wuora, Nitie udi mang`eny; Kom-duong` Nyasaye ni kanyono, En kar bet Yesu Ruoth. 3. Ka tichna orumo, Masira gi kuyo; Nadonj e dala mar Wuora, Nosidhna osimbo. (Amin)

1. Onego abed gi Yesu, Ok anyal wuotho kenda. Ka Yesu obedo buta Anyalo yudo teko.           Eka chunya ok noluor (ok noluor); Anadhi ka modwaro, (modwaro);           Anadhi mapiyo piyo, Kotelona e wang`yo. 2. Onego abed gi Yesu, Kuom Yie mara e chunya; Wechene ohoyo chunya, Ka gimiya tekone. 3. Onego abed gi Yesu, E ngimana duto te; Kata an e temruok moro, kata e parruok moro. 4. Onego abed gi Yesu E yorena duto te; Eka an anyalo chopo E dala mosingonwa. (Amin)

1. Ruoth ni koda e yo duto, Ere gi marem koro? En Jatenda e piny kae, Nyaka ngimana duto; Kuwe gi hoch ayudo kuome; Awuotho kode pile; Kata gi manade yuda, Yesu norita maber, Kata gi manade yuda, Yesu norita maber. 2. Ruoth ni koda e yo duto, Kata yo obet marach; Nokonya e temruok duto; Nomiya chiemb chuny maler, Ka di po tienda dichwanyre, Enojuka gi luete; Ka riyo oloyo chunya, Nomia pi mar ngima; Ka riyo ohewo chunya, Nomia pi mar ngima. 3. Ruoth ni koda e yo duto; An awuoro herane, Mosesingona kar yueyo, Dala mar Nyasaye Wuora; Anayud ngima mochwere, ka wuodha me piny rumo; "Ruoth notelna e yo duto," Nobed wenda nyaka chieng` "Ruoth notelna e yo duto," Nobed wenda nyaka chieng. (Amin)

1. Ruoth ni koda e yo duto, Ere gi marem koro? En Jatenda e piny kae, Nyaka ngimana duto; Kuwe gi hoch ayudo kuome; Awuotho kode pile; Kata gi manade yuda, Yesu norita maber, Kata gi manade yuda, Yesu norita maber. 2. Ruoth ni koda e yo duto, Kata yo obet marach; Nokonya e temruok duto; Nomiya chiemb chuny maler, Ka di po tienda dichwanyre, Enojuka gi luete; Ka riyo oloyo chunya, Nomia pi mar ngima; Ka riyo ohewo chunya, Nomia pi mar ngima. 3. Ruoth ni koda e yo duto; An awuoro herane, Mosesingona kar yueyo, Dala mar Nyasaye Wuora; Anayud ngima mochwere, ka wuodha me piny rumo; "Ruoth notelna e yo duto," Nobed wenda nyaka chieng` "Ruoth notelna e yo duto," Nobed wenda nyaka chieng. (Amin)

1. Telna O yaye Ruoth Jehova, Kuom wuodha e piny marach; An anyap to in gi teko Juka gi lueti matek Kuon mar polo Kuon mar polo, Pidha nyaka yieng` chutho (yieng` chutho). 2. Yaw koro soko mar lerni Kama pi ngima wuokie; Ket bor Polo maber mogwedhi Telna e wuodha duto; Ruoth molocho Ruoth molocho, Bed teko g`okumba (gokumba). 3. Ka wuotho e geng aoch Jordan Mi mondo luocha olal; Ruodh ruodhi makelo ngima Kel ngima loka Kanaan; Wende ma paki Wende ma paki, Ana wer nigi pile (wer pile). (Amin)

1. Yesu kotaya pile, Oritowa mang`uon; An to kabedo bute, Onge gi manyalo luor. Winji, machalo dwonde Malaika mawero, Weche mabiro ira, Weche mamiya mor.           Yesu kotaya pile, Oritoa mang`won;           An to kabedo bute, Onge gi manyalo luor. 2. Yesu kotaya pile, Ok anaparora; Piny ok onyalo teroa, Kata richo kethoa; Kata aparo ndalo Ok analuor gimoro; Kata ane masira, Chieng` anamor kucha. 3. An anadhi ka Yesu, En ma notho kuoma; Pile ageno Yesu, Lwandana mogeng`ona; Piny pod otimo mudho Ka pod awuotho kae; Piny to norum mapiyo, Eka nadhi kucha. (Amin)

1. Be Yesu ling` ka chunya otur, Kuom dwaro mor kata wer; Saa ma ting` tura parruok be ola, ka wuoth bedo maolo chuny?           Ee, orita mano adier; Kuyona mulo chunye;           Ka aol godiechieng`, Kaluor gotieno, adier Jawar rita (adier). 2. Be Yesu ling` ka chunya opong` kod buok be luoro mathoth; Kodiechieng` rumo kotieno chopo, bende obedo machiegni? 3. Be Yesu ling` saa ma tem matek asekedogo motama; Ka chunya kuyo hoch be ongena, kata pi wang`a chwer malit? 4. Be Yesu ling` ka tho pogoa gosiepna mahero chuth; Ka chunya kuyo kachiegni gi tho, be oling` ma ok onena? (Amin)